Рахбарият

 

Шайх Абдулазиз Мансур

Ўзбекистон мусулмонлари идорасининг Тошкент шаҳар вакили, Тошкент шаҳар бош имом хатиби 

Шайх Абдулазиз Мансур 1944 йили Фарғона туманида туғилган. Мактабни тамомлагандан сўнг Олтиариқ тумани ва Марғилон шаҳридаги турли идораларда хизмат қилган. 1975–79 йиллари Имом Бухорий номидаги Тошкент Ислом олий маъҳадида таҳсил олди. Олий маъҳадни битиргач, “Совет Шарқи мусулмонлари” журнали таҳририятида масъул котиб бўлди.

1980–81-йиллари Судан Республикаси Ислом университетида таҳсилни давом эттирди. 1982–2006 йиллари диний идора Фатво бўлими мудири, Абу Райҳон Беруний номидаги Шарқшунослик институтида илмий ходим, “Мовароуннаҳр” нашриёти мудири, Вазирлар Маҳкамаси ҳузуридаги Дин ишлари бўйича қўмита бўлим бошлиғи, Ўзбекистон Республикаси Президентининг давлат маслаҳатчиси, Тошкент Ислом университети проректори каби масъул лавозимларда хизмат қилди. 2006 йилдан буён Ўзбекистон мусулмонлари идораси раисининг ўринбосаридир.

Шайх Абдулазиз Мансур амалга оширган “Қуръони карим маъноларининг таржима ва тафсири” қайта-қайта нашр қилинди. Устоз “Саҳиҳи Бухорий”ни таржима ва шарҳ қилиб, икки жилдда нашр эттирган. Шайх Абдулазиз Мансур Ўзбекистон мусулмонлари идораси ҳузурида тузилган диний адабиётлар нашри бўйича махсус ҳайъат раисидир.

Халқаро Ислом фиқҳи академияси, Мусулмон олимлари олий ҳайъати аъзоси. Кўплаб мақолалар, китоблар муаллифи.

 

РУСТАМОВ Эргаш
Тошкент шаҳар бош имом хатиби ўринбосари

Эргаш РУСТАМОВ 1959 йилда Сурхондарё вилоятида туғилган. 

1996 йилда Имом Бухорий номидаги Тошкент ислом институтини тамомлаган
1996-1997 йй. – Тошкент ислом институти проректори
1996-2012 йй. – Тошкент шаҳар Чилонзор тумани “Собитхон ҳожи” масжиди имом-хатиби
2006-2010 йй. – Тошкент шаҳар бош имом-хатиби ўринбосари
2012-2017 йй. – Ўзбекистон мусулмонлари идорасининг Сурхондарё вилояти вакили, Сурхондарё вилояти бош имом-хатиби
2017- йилдан  – Тошкент шаҳар бош имом хатиби ўринбосари ва Чилонзор туманидаги “Собитхон ҳожи” жоме масжиджи имом хатиби вазифасида фаолият юритиб келмоқда.

Оилали, 5 нафар фарзанди бор.

РАУПОВ Жасурбек Тураевич
Тошкент шаҳар бош имом хатиби ўринбосари

Раупов Жасурбек 1975 йилда Бухоро вилоятида туғилган. 

1997 йилда Имом Бухорий номидаги Тошкент ислом институтини, 2006 йилда Андижон Давлат университетини тамомлаган.

1999-2017 йй. – Тошкент шаҳар, Чилонзор тумани “Носирхон” жоме масжиди имом-хатиби

2010-2014 йй. – Тошкент шаҳар бош имом хатиби ўринбосари

2017 йилдан  Тошкент шаҳар бош имом хатиби ўринбосари ва “Ислом ота” жоме масжиди имом-хатиби вазифаларида фаолият юритиб келмоқда.

Оилали, 3 нафар фарзанди бор.