Бугун 14 январ Тошкент шаҳар бош имом–хатиби Абдуқаҳҳор домла Юнусов Шайхонтоҳур тумани КаттаХовуз маҳалласида жойлашган хонадонлардан бирига ташриф буюриб ёнғин сабабидан талофат кўрган хонадон эгаларининг ҳолидан хабар олдилар ва мазкур хонадонга келган офатнинг тез кунларда бартараф бўлишини сўраб дуои хайрлар қилдилар. Абдуқаҳҳор домла Юнусовга Шайхонтоҳур тумани «Сузук ота» масжиди имом-хатиби Аюбхон домла Сўпиев ҳамроҳлик қилдилар. Тошкент шаҳар бош имом-хатиби хонадон эгаларига хонадонга етган талофатни тез кунларда тикланиши учун зарур чора тадбирлар қўрилишини айтиб хонадон эгаларининг кўнгилларига таскинлик бердилар.
Шунингдек Олмазор тумани “Акаобод” МФЙ да фуқароларга миллий таом тарқатилиш жараёнида ҳам устоз Абдуқаҳҳор домла Юнусов Олмазор тумани бош имом-хатиби Абдуллоҳ домла Йўлдошев ва маҳалла фаоллари билан биргаликда иштрок этдилар. Тошкент шаҳар бош имом-хатиби юртдошларимизга кўрсатилаётган меҳр мурувват эгаларининг ҳақларига Аллоҳдан ажр ва барака сўраб дуолар қилдилар.
