Ўзбекистон Халқаро ислом санъати ва маданияти фестивалида иштирок этди

0
258

Ўзбекистон вакиллари Путраджая шаҳри маъмурияти томонидан 2019 йил 25-28 июл кунлари “Ислом дунёси мусиқа ва вокалининг улуғворлиги” мавзусида бўлиб ўтган Халқаро ислом санъати ва маданияти фестивалида (PIIACUF) қатнашишди.

Ўзбекистон Республикасининг Малайзиядаги Элчихонаси маълумотига кўра, фестиваль 2013 – йилдан бошлаб ҳар икки йилда бир маротаба ўтказилади. Табдирда доимий равишда “Ҳунарманд” уюшмаси ўзбек халқ амалий санъати намойиши билан қатнашиб келмоқда. 
Фестивалда бизнинг ҳамюртларимиздан ташқари Малайзия, Индонезия, Қувайт, Эрон, Марокаш, Туркия, Бангладеш, Таиланд, Бруней ва Жанубий Корея каби давлатлар иштирок этишди.
Тадбир ташкилотчилари ва иштирокчиларига 2019 – йилнинг 10−15 сентябр кунлари Қўқон шаҳрида илк бор Халқаро ҳунармандчилик фестивали ва ҳамда фестивал доирасида «Ҳунармандчилик ва халқ амалий санъатини ривожлантириш истиқболлари» мавзусида илмий – амалий конференцияси ўтказилиши ҳақида хабар берилди. Ушбу тадбирда Малайзия ҳунармандчиликни ривожлантириш корпорацияси раҳбарияти ва олти нафар таниқли малайзиялик ҳунармандларнинг иштирок этишлари режалаштирилмоқда.

muslim.uz

Мулоҳаза билдириш

Изоҳингизни қолдиринг!
Илтимос, бу ерга исмингизни киритинг