Муслима ҳар куни исроилликларнинг ҳаётини қутқаради ва эвазига ҳеч нима олмайди

0
614

Муслима ҳар куни исроилликларнинг ҳаётини қутқаради ва эвазига ҳеч нима олмайди.

Сано Маҳамид United Hatzalah ташкилотига кўнггилли бўлиш ишга кирган биринчи муслимдир. Ташкилот кўнгиллилик асосида биринчи тиббий ёрдам кўрсатиш билан шуғуланади.
30 яшар Сано махсус тайёргарликда ўтган бўлиб, тез ёрдам машинасини ҳайдайди ва кечиктириб бўлмас тиббий ёрдамга муҳтож одамларнинг ҳаётини сақлаб қолишда иштирок этади. Санодан сўнг фелдшер техниклар мактабига яна 12 та муслима аёл кирди, деб хабар бермоқда muslimaat.uz IslamNews га таяниб.

Сано энг кўп қабул қиладиган чақирув автоҳалокатлардандир. Саноқли даққиқаларда тез ёрдам машинаси воқеа жойига етиб боради, қутқарувчилар жамоаси ҳижобли Сано билан биргаликда пачоқланган автомобиллардан жабрланганларни тортиб олишади ва касалхонага етказишади.

Муслима ҳаётидаги бир воқеа сабаб бу касбни танлаганини сўзлаб берди. 16 яшарлигида холаси қўнғироқ қилиб уйда катталардан биронтасини чақиришини сўради. Эри беҳуш ётганини ва нима қилишни билмаётганини саросимали овозда айтиб берди. Сано холасининг уйига тезда етиб келиб, тез ёрдамни чақирди, аммо кеч эди – поччасининг жони узилди. Шунда фаластинлик қизалоқ умрини инсон ҳаётини қутқариш учун бахш этишга қарор қилди.

Мулоҳаза билдириш

Изоҳингизни қолдиринг!
Илтимос, бу ерга исмингизни киритинг